चैते धानको समर्थन मूल्य तोकियो

चैत, १५ । चालु आर्थिक वर्ष २०८०- ८१ का लागि सरकारले चैते धानको समर्थन मूल्य तोकेको छ । आज बसेको मन्त्रिपरिषद्को बैठकले चालु आर्थिक वर्षका लागि १८ प्रतिशतसम्म चिस्यान भएको चैते धानको समर्थन मूल्य प्रतिक्विन्टल २ हजार ७०७ रुपैयाँ तोकेको हो ।

१८ प्रतिशतभन्दा बढी चिस्यान भएको चैते धानको हकमा १ प्रतिशत चिस्यानका लागि प्रतिक्विन्टल १२०० ग्रामका दरले हुन आउने तौल घटाइ कायम हुने तौलका आधारमा न्यूनतम समर्थन मूल्य कायम हुने सरकारले निर्णय गरेको छ ।