सिन्धु पर्यटन व्यवसायी संघको अध्यक्षमा पुन नारायण श्रेष्ठ चयन

पुष ३ । सिन्धु पर्यटन व्यवसायी संघको अध्यक्षमा पुन नारायण श्रेष्ठ चयन भएका छन् । शनिवार भएको संघको साधारण सभाले श्रेष्ठको नेतृत्वमा सात सदस्यीय कार्यसमिति चयन गरेको हो ।

नयाँ कार्यसमितिको उपाध्यक्षमा अञ्जनकुमार खड्का, सचिवमा गोविन्द लोहनी, कोषाध्यक्षमा राजन श्रेष्ठ, सदस्यहरूमा महेन्द्र श्रेष्ठ, ललित गिरी र सुजन बस्नेत छन् । सुकुटे भ्याली रिसोर्टका सञ्चालक समेत रहेका संघका अध्यक्ष श्रेष्ठले आफ्नो नेतृत्वमा सिन्धुपाल्चोकमा भएका अन्य पर्यटकीय गन्तव्यलाई विकास गर्ने प्रतिवद्धता व्यक्त गरे ।
संघले आगामी फागुन पहिलो साता चार दिने सुकुटे महोत्सव आयोजना गर्ने बताए ।