भारतीय नेता राहुल गान्धीलाई २ वर्षको जेल सजाय

चैत, ९ । कांग्रेस आईका नेता राहुल गान्धीलाई २ वर्षको जेल सजाय सुनाइएको छ । भारत स्थित सुरतको अदालतले ४ वर्ष पुरानो आपराधिक मानहानीसम्बन्धी मुद्दामा गान्धीलाई २ वर्षको जेल सजाय सुनाएको हो ।

अदालतले गान्धीलाई यो सजायविरुद्ध माथिल्लो अदालतमा पुनरावेदन गर्न एक महिनाको समय पनि दिएको छ ।

सन् २०१९ मा गान्धीले मोदी थरप्रति गरेको टिप्पणीलाई लिएर अदालतमा मुद्दा परेको थियो ।