मेयर गोपाल हमालकी छोरी भारतमा सकुशल भेटिईन्

चैत, १४ । कैलालीको धनगढी उपमहानगरपालिकाका मेयर गोपाल हमालकी छोरी भारतमा सकुशल भेटिएकी छिन् । भारतको गोवामा आफ्नी छोरी सकुशल भेटिएकी मेयर हमालले फेसबुकमार्फत जानकारी दिएका छन्।

सबैको खोजीको प्रयासले मेरी जेठो छोरी आरती गोवामा सकुशल भेटिएको र स्वास्थ्य अवस्था कमजोर रहेको सम्पूर्ण शुभचिन्तकमा जानकारी गर्दछु,’ मेयर हमालले केही बेरअघि सामाजिक सञ्जालमा लेखेका छन्, ‘खोजी कार्यमा सहयोग गर्नुहुने सम्पूर्ण महानुभावहरू, गोवामा बस्नुहुने सहयोगी नेपाली दाजुभाई दिदीबहिनीहरूसहित सम्पूर्णमा हार्दिक धन्यवाद सहित कृतज्ञता व्यक्त गर्दछु। साथै मेरो जेठो छोरी आरती, कान्छी छोरी आर्जु र ज्वाइँ सँगै भएको सम्पूर्णमा जानकारी गर्दछु।’

हमालले फेसबुकमार्फत नै आफ्नी छोरी भारतको गोवा राज्यबाट बेपत्ता भएको जानकारी दिएका थिए।